Poeti di Bruzzano Zeffirio (rc), Rosa Marrapodi come vede il Natale

20.12.2016 13:07

 

20 dicembre 2016    13:09

Posted by Domenico Salvatore

 

L'angolo della poesia

Pasqua con chi vuoi, Natale con i tuoi, c'era una volta

nella poesia di Rosa Marrapodi

 

                                                Natali  ‘o  me’  paisi

 

 

                                  A undi vaju vaju, luntanu du paisi meu,

                                  ‘nte festi ‘i Natali, non mi pozzu sperdiri

                                   chisti quattro palori: “’U voliti ‘u Bambinu?”

                                   palori ditti ‘nta notti ‘i n’omu chi vai

                                   ‘i porta in porta cu Bambinuzzu ‘nte brazza.

                                   Glià sira spettavano l’arriru du Messia

                                   picciuli e randi ‘ntornu ‘u focularu,

                                   jocandu all’oru e vincendo nucigli.

                                   L’aprìa ‘a mamma a prima bussata,

                                   pigghjava ‘a tafareglia ca pagghjia

                                   a undi u Bambinuzzu dormìa

                                   e girava ogni cantu da casa:

                                   jia vicinu a cannizza du ranu,

                                   glià zimba e ‘nta gutti du vinu.

                                   Poi nu baciu ‘nte pedi e ‘nte mani,

                                   nu filu ‘i pagghjia pa’ divisioni

                                   e u Bambinuzzu tornava ‘nta strata

                                   cu nu panaru ‘i nocatuli e pittegli.

                                   I stigli campaniavanu ‘nto cielu

                                   gliucendu i vinegli senza lampadini;

                                   u friddu parrava cu l’angeli

                                  chi cantavano contenti a ninna nanna,

                                  mentri i massari chi loru ciaramegli

                                  toccavano puru l’anima di’  petri.

                                  E ‘nta glià notti di santa chjarìa

                                  nugliu penzava a odi e a rancori,

                                  tutti si sentivano cchjù boni,

                                  pecchì gliù sonu miraculusu

                                  rimogliava i loru cori.

 

                                Novembre  1987

Reggio Calabria/ Presepio sul Corso Garibaldi, di fronte al teatro comunale "Francesco Cilea"

Cerca nel sito